ابوذیّات مسلّحات
الما عدهم ثقافه یسم صلهم
او گطع منهم نسل ممدود صلهم
الما خاف اللّه بالرشّاش صلهم
قتل اهله او قتل نفسه ابردیّه
...
الخلاف ابکل بشر والحشر ینهل
ابصدمته الدمع جر وانتشر ینهل
شوصف الجاهل اعلی الاهل ینهل
جثث ذبهم رصاصه اببندقیّه
...
الما یقبل نصیحه انتعب بس لاح
العزّل بالرصاص انفدت بس لاح
لچمنی احاه شگل للهجم بسلاح
ابصبر وابلوم اعازی اهل الضحیّه
...
رکد دمعی ابعینی انعجد وانزال
واعید ابیوم ضیمی انمسح وانزال
انا اچّندوب احمل اهموم و انزال
اعلی گلبی او ضاعت الحسبه امن ادیّه
...
بعد ما ضل جنح عندی وافر بیه
الیودنی احرگنی برّردنی وفر بیه
الگلب غسلیته من کل حب وفر بیه
اگص عرجه اذا عاداه الیّه
...
اشوکت طیر السعد یلفی بلاجار
او یسد درب الوعر بالدر بالاجار
تعبنه امن الوکت ذبنه بالاجار
جبرنی ادفع سعر و البیت الیّه
...
الغنی عنده السلف ملکه ولادار
یمر عالعاطل ایمحگه ولادار
الفقیر ابساط ما عنده ولا دار
ابوکت ضیجه الغنی یطلب تچیّه
...
انهزم حضّی حدیده ابمای ینزار
ولا امری اعلی رگبت طفل ینزار
العنده اموال مرقد طمع ینزار
الما عنده انترک شوره ابخفیّه
...
الجهل یسقط ثقافه او أدب وی ثور
القلم مثل الرصاصه یطگ ویثور
علی الشایل رده او ماهده ویثور
ابسلم و امشاوره او غیره او حمیّه
...
الثقافه اصل العداله من نبیهه
الطلایب کفنه منهه من نبیهه
الصداقه او بیهه ذله من نبیهه
بری منهه او گطف ما تسوا الیّه
...
الچنت ورده او صرت طنبور وهلاک
نسیت الکان عون اویاک وهلاک
عساک ابمرض ضاع ادواک وهلاک
او تضل بومه او تگر صبح او مسیّه
...
شبعت ابصفنتک وارماک ونهاک
او دفنتک بالگبر باشلاک ونهاک
تروح او داعت اللّه انساک ونهاک
و احذرک بعد لا تگرب علیّه
...
جاسم ثعلبی (الحسّانی) 17/01/1400
:: برچسب‌ها:
ابوذیّات مسلّحات ,
:: بازدید از این مطلب : 951
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
